मोटरसाईकल दुर्घटनमा परी घाईते भएका दुई जनाको सशस्त्र प्रहरीद्वारा उद्धार

पोखरा– कास्की जिल्लाको मादी गाउँपालिका–५ स्थित काउरेमा सोमवार मोटरसाईकल दुर्घटनामा परी घाईते भएका दुई जनाको सशस्त्र प्रहरीले उद्धार गरेको छ ।

---

---

सोही ठाउँको थाकदेखि काउँखोलातर्फ जाँदै गरेको ग ११ प ८९४० नम्बरको मोटरसाईकल गति अनिन्त्रित भई सडकबाट करीव ३० मिटर तल खसेको थियो ।

उक्त दुर्घटनाबारे अस्थायी प्रहरी चौकी, छाचोकले जानकारी गराए पश्चात सशस्त्र प्रहरी बल नेपाल अस्थायी मनसुन प्रतिकार्य सुरक्षा वेस, छाचोकबाट खटिएको सशस्त्र प्रहरी र नेपाल प्रहरीको संयुक्त टोलीले उनीहरुको उद्वार गरेको हो ।

दुर्घटनामा परी सोही गाउँपालिका–७ घर भई हाल रुपा गाउँपालिका–१ बस्ने ३४ वर्षीय आकाश मल्ल तथा सोही ठाउँको भुमरे बस्ने अन्दाजी ५७ वर्षिय टेक बहादुर मल्ल घाईते भएका छन् ।

उद्धार पश्चात उनीहरु दुवै जनालाई उपचारको लागि पोखरा स्वास्थ्य विज्ञान प्रतिष्ठानतर्फ पठाईएको छ । घाईतेमध्ये टेक बहादुर मल्लको अवस्था भने गम्भिर रहेको बताइएको छ ।