डा.सन्देश लम्साल सम्मानित

दाङ– राप्ती प्रादेशिक अस्पतालमा कार्यरत डा.सन्देश लम्साल सम्मानित भएका छन् । डा. लम्साललाई राष्ट्रिय स्वास्थ्यकर्मी महासङ्घ नेपालले एक समारोहका बीच सम्मानित गरेको हो ।

---

---

राष्ट्रिय स्वास्थ्यकर्मी महासङ्घ नेपालद्वारा सञ्चालित विभिन्न स्वास्थ्य शिविरहरूमा पुर्याएको सहयोगको मूल्याङ्कन गर्दै डा.लम्साललाई सम्मानित गरिएको आयोजक संस्थाले जनाएको छ ।

आइतवार आयोजित उक्त समारोहमा राष्ट्रिय स्वास्थ्यकर्मी महासङ्घ नेपाल दाङ जिल्ला कमिटी अध्यक्ष शरदराज गिरीको अध्यक्षतामा आयोजना गरिएको थियो ।

नेकपा एमाले दाङ जिल्ला उपाध्यक्ष मनोहर बुढाथोकीको प्रमुख आतिथ्यता रहेको यो समारोह घोराही उपमहानगरपालिका, तेरौटेस्थित ज्येष्ठ नागरिक सरोकार केन्द्रद्वारा सञ्चालित द्रोपत्ता कुमारी लोहनी लक्ष्मी नारायण वृद्धाश्रममा आयोजना गरिएको थियो ।

राष्ट्रिय स्वास्थ्यकर्मी महासङ्घ नेपालको १९औं स्थापना दिवसको अवसरमा आयोजित उक्त कार्यक्रममा उक्त वृद्धाश्रममा आश्रित वृद्ध–वृद्धाहरूको निःशुल्क स्वास्थ्य परीक्षण गरिनुका साथै खाद्यान्नसमेत वितरण गरिएको थियो ।